UFFICIO DELLE CELEBRAZIONI LITURGICHE 
DEL SOMMO PONTEFICE  

INTIMATIO

PRO CELEBRATIONE CONSISTORII ORDINARII PUBLICI

24 Februarii 2005

      Feria V, die 24 Februarii 2005, hora undecima, in Aula Clementina Palatii Apostolici Vaticani, fiet Consistorium Ordinarium Publicum in Horæ Sextæ celebratione pro Canonizatione Beatorum Iosephi Bilczewski, Episcopi, Caietani Catanoso, presbyteri et fundatoris Congregationis v.d. “Suore Veroniche del Volto Santo”, Sigismundi Gorazdowski, presbyteri et fundatoris Congregationis Sororum Sancti Ioseph, Alberti Hurtado Cruchaga, presbyteri Societatis Iesu, et Felicis a Nicosia (in sæc.: Philippi Iacobi Amoroso), laici professi O.F.M. Cap.

      Momenta in Consistorii celebratione hæc erunt:

             1.        Introductio
             2.        Hymnus
             3.        Psalmodia
             4.        Lectio brevis
             5.        Peroratio de Canonizationum Causis
             6.        Perpensio votorum de propositis Canonizationibus
             7.        Sententia Summi Pontificis indicentis Canonizationum diem
             8.        Optatio Diaconis Cardinalibus facienda pro Titulo Presbyterali
             9.        Confirmatio Cardinalis Protodiaconi
            10.       Oratio pro Ecclesia
            11.       Benedictio Apostolica
            12.       Confectio Instrumenti actorum
            13.       Dimissio.

      Pro Consistorio Ordinario Publico intimandi sunt PP. Cardinales, vestibus rubris, rocheto et mozeta induti et, cum vestibus sibi propriis, Patriarchæ, Archiepiscopi et Episcopi in Urbe versantes.

      Intervenire quoque tenentur - cum vestibus violaceis, superpelliceo et manteleto Prælati qui illud adhibendi iure fruuntur, ceteri vero cum habito "piano" et superpelliceo - omnes qui ad mentem Motus Proprii "Pontificalis Domus" intimari solent, una cum Congregationis de Causis Sanctorum Subsecretario et Promotore Generali Fidei.

      Qui omnes hora decima cum dimidio in Aulam Clementinam Palatii Apostolici Vaticani convenire debent.

      E Civitate Vaticana, die 12 Februarii 2005.
 

De mandato Sanctissimi D.N. Papæ

+ Petrus Marini
Archiepiscopus tit. Marturanensis
Celebrationum Liturgicarum Pontificalium Magister