The Holy See Search
back
riga

LATINITAS
Opus Fundatum in Civitate Vaticana

 

ELECTA MANVS

     "Curis saecularibus intenti, tanto insensibiliores intus efficimur, quanto ad ea quae foris sunt studiosiores videmur" (1). Expertus est Gregorius Magnus tristissimas barbaricae aetatis suae vices, et tamen valuit catholicae Ecclesiae gubernacula fortiter sustinere.
     Pari fere ratione si licet parva componere magnis (2) - etiam hoc anno electa adulescentium manus voluit duos per integros menses hanc adire Curiam Riariam, proposito instructa componendi humanam scientiam cum revelata fide (3). Eam non cohibuerunt crebriora operistitia neque implicata commeatus frequentia, peculiare supplicium nostrae Romanae urbis.
     Sunt quidem novem numero, levis scintilla, cuius tamen ardor atque curiosa intentio potuit transgredi artos fines humanae debilitatis.
Atque digni existimantur qui publica laude honestentur.

Ii sunt:

Marcellus Bonifazi, adulescens technicae arti apprime deditus, automatariae birotae nasutus gubernator;
Iosephus Richardus Garca Salmeron
, e Foederatis Civitatibus Mexicanis, classicarum disciplinarum studiosus;
Richardus Angelus Garduno Cancino
, pariter e Foederatis Civitatibus Mexicanis, dulcis adulescens, amabilis conversationis cultor;
Robertus Groch
, Polonus diligens atque bene cordatus, mox laurea donandus in Studiorum Universitate Salesiana, et quidem in Litteris Classicis et Christianis;
Valderius Hilgeman,
e natione Neerlandica, apud Studiorum Universitatem Lateranensem in utroque iure lauream consecuturus;
Bonifatius Mose Anoli
, e Re publica Democratica Congensi, admodum nitidus et candidus iuvenis, quippe qui solis fervores etiam nocturno tempore expertus sit;
Gregorius Poblano Bata
, e Foederatis Civitatibus Mexicanis, elegans adulescens, dignus qui apte aequalium suorum partes agat in publica concione;
et demum dominae duae:
Anna Alexandra Glusiuk
, Polona, rerum politicarum peritissima, mox laurea honestanda in scientiis politicis apud Studiorum Universitatem Gedanensem, antiquitatis christianae sapiens cultrix;
Laetitia Staccioli
, felix quidem domina, utpote quae a patre, disciplinae archaeologicae admodum perito, potuerit recipere maiorum nostrorum altam sapientiam.

Iam iamque lubet teretes aures intentosque oculos tradere enarratoribus fabulae tragicae.

CLETVS PAVANETTO

    

1 Greg. Magnus, Hom. XVII, 3, 14.
2 Cfr Vergilius, Ecl. I, 23.
3 Cfr Collecta in die festo Alberti Magni.

 
     

top