LATINITAS
Opus Fundatum in Civitate Vaticana

MODERATOR AD LEGENTES

Lectores atque lectrices admodum honorabiles,
Certiores vos facere gaudeo die XVI mensis Martii, hoc anno, Collegium rectorum Operis Fundati Latinitas iterum iterumque convenisse ut consilia caperet quae congruerent usque cum propositis eiusdem Operis.

Varia inter argumenta, de re oeconomica atque de re scriptoria praesertim, actum est de constituendis coetibus qui statuta ratione operam dent linguae culturaeque Latinae promovendae.

Re mature perpensa, opportunum visum est ut coetus constarent sodalibus qui infra nominantur
- Consilium libellis «Latinitas» edendis: Cletus Pavanetto, Renatus Badalì, Carolus Cartagena, Victorius Ciarrocchi, Florindus Di Monaco, Ioannes Carolus Rossi, Antonius Taglieri;
- Collegium scriptis edendis: Marius Maritano, Cletus Pavanetto, Antonius Salvi, Valdemarus Turek;
- Coetus praepositus novis verbis Latinis condendis: Renatus Badalì, Carolus Cartagena, Cletus Pavanetto, Antonius Salvi, Antonius Taglieri;
- Collegium iudicum constitutorum pro Certamine Vaticano: Renatus Badalì, Salvator Lilla, Petrus Maccallini, Antonius Salvi, Antonius Taglieri, Manlius Ticino.

- Placuit insuper ut redintegraretur electio Sociorum Operis Fundati, atque eo ipso tempore novi Socii selecti sunt: Orestes Carbonero, Victorius Ciarrocchi, Martinus Freundorfer, Jürgen Kohlbürger, Friedolfus Rösler, Ioannes Carolus Rossi, Marius Vitali, nec non doctae magistrae Genovefa Immé Matais et Annula Llewellyn.

MODERATOR