Rescriptum ex Audientia circa iudices Rotae Romanae, diei VIII mensis Aprilis anno MMIII

SECRETARIA STATUS

Romanae Rotae iudicum muneris cessatio usque ad LXXV ae. a. expletum prolatatur.

Ex Audientia SS.mi, diei VIII mensis Aprilis anno MMIII.

Attentis circumstantiis Summus Pontifex Ioannes Paulus II motu proprio et certa scientia Romanae Rotae iudicum muneris cessationem usque ad septuagesimum quintum aetatis annum expletum prolatavit, facta autem facultate singulis in praesens rotali collegio adscriptis iudicibus iure quaesito fruendi secundum compositam formulam quam unicuique accommodato tempore Administratio Patrimonii Sedis Apostolicae proponet.

Quapropter in linea prima secundae paragraphi articuli tertii Normarum Rotalium anno MCMXCIV promulgatarum verbum «expleverint» pro verbo «attigerint» subiciatur nec non et paragraphus tertia eiusdem articuli tertii aboleatur.

ANGELUS card. SODANO
Secretarius Status