Venerabilibus Servis Dei Laurentino Alonso Fuente, Vergilio Lacunza Unzu et XLIV Sociis Beatorum martyrum honores decernuntur*

Ad perpetuam rei memoriam. — « Et ipsi vicerunt illum propter sanguinem Agni et propter verbum testimonii sui; et non dilexerunt animam suam usque ad mortem» (Ap 12, 11).

Violentia et odium adversus catholicam fidem Barcinonae ad mortem pertulerunt XLVI Fratres ex Instituto Fratrum Maristarum a Scholis, saeviente in Hispania bello civili annis MCMXXXVI-MCMXXXIX. Mites praeceptores et educatores, suam testati sunt fıdem usque ad sanguinis effusionem. Tamquam oves exspectantes occisionem congregati sunt in navi « Cabo San Agustın »; illusi falso liberationis promisso, noctu diei VIII mensis Octobris anno MCMXXXVI conducti sunt in coemeterium Barcinonae ibique atrociter necati.

Ipsi sunt:

1. Fr. Laurentinus, in saeculo Marianus Alonso Fuente, annorum LIV.

2. Fr. Vergilius, in saeculo Tryphon Nicasius Lacunza Unzu, annorum XLV.

3. Fr. Albertus Maria, in saeculo Nestor Vivar Valdivielso, annorum XXVI.

4. Fr. Angelus Andreas, in saeculo Lucius Izquierdo López, annorum XXXVII.

5. Fr. Anselmus, in saeculo Anicetus Falgueras Casellas, annorum LVII.

6. Fr. Antolinus, in saeculo Antonius RoigAlibau, annorum XLV.

7. Fr. Baudilius, in saeculo Petrus Ciordia Hernández, annorum XLVIII.

8. Fr. Barnabas, in saeculo Casimirus Riba Pí, annorum LIX.

9. Fr. Carolus Raphaël, in saeculo Carolus Brengaret Pujol, annorum XIX.

10. Fr. Dionysius Martinus, in saeculo Iosephus Cesari Mercadal, annorum XXXIII.

11. Fr. Epiphanius, in saeculo Ferdinandus Suñer Estrach, annorum LXII.

12. Fr. Philippus Iosephus, in saeculo Firminus Latienda Azpilicueta, annorum XLV.

13. Fr. Felix Leo, in saeculo Felix Ayùcar Eraso, annorum XXIV.

14. Fr. Fortunatus Andreas, in saeculo Fortunatus Ruíz Peña, annorum XXXVIII.

15. Fr. Frumentius, in saeculo Iulius García Galarza, annorum XXVII.

16. Fr. Gabriel Eduardus, in saeculo Sigismundus Hidalgo Martínez, annorum XXIII.

17. Fr. Gaudentius, in saeculo Ioannes Tubau Perelló, annorum XLII.

18. Fr. Aegidius Philippus, in saeculo Philippus Ruíz Peña, annorum XXIX.

19. Fr. Hermogenes, in saeculo Antonius Badía Andale, annorum XXVIII.

20. Fr. Isaias Maria, in saeculo Victorianus Martínez Martín, annorum XXXVII.

21. Fr. Ismaël, in saeculo Nicolaus Ran Goñi, annorum XXVII.

22. Fr. Iacobus Raimundus, in saeculo Iacobus Morella Bruguera, annorum XXXVII.

23. Fr. Iosephus Carmelus, in saeculo Gregorius Faci Molins, annorum XXVIII.

24. Fr. Iosephus Fridericus, in saeculo Nicolaus Pereda Revuelta, annorum XX.

25. Fr. Ioannes Chrysostomus, in saeculo Ioannes Pelfort Planell, annorum XXIII.

26. Fr. Ioannes de Matha, in saeculo Iesus Menchón Franco, annorum XXXVIII.

27. Fr. Laureanus Carolus, in saeculo Petrus Sitges Puig, annorum XLVII.

28. Fr. Leonides, in saeculo Hieronymus Messengué Ribera, annorum LII.

29. Fr. Leopoldus Iosephus, in saeculo Florentinus Redondo Insausti, annorum LI.

30. Fr. Linus Ferdinandus, in saeculo Victor Gutiérrez Gómez, annorum XXXVI.

31. Fr. Licarion, in saeculo Angelus Roba Osorno, annorum XLI.

32. Fr. Martinianus, in saeculo Isidorus Serrano Fabón, annorum XXXV.

33. Fr. Michaël Irenaeus, in saeculo Leocadius Rodríguez Nieto, annorum XXXVII.

34. Fr. Porphyrius, in saeculo Leontius Pérez Gómez, annorum XXXVII.

35. Fr. Priscillianus, in saeculo Iosephus Mir Pons, annorum XLVII.

36. Fr. Raimundus Albertus, in saeculo Felicianus Ayùcar Eraso, annorum XXII.

37. Fr. Salvius, in saeculo Victorianus Gómez Gutiérrez, annorum LII.

38. Fr. Iacobus, in saeculo Seraphinus Zugaldía Lacruz, annorum XL.

39. Fr. Iacobus Maria, in saeculo Iacobus Sáiz Martínez, annorum XXIII.

40. Fr. Sanctes, in saeculo Sanctes Escudero Miguel, annorum XXIX.

41. Fr. Theodulus, in saeculo Lucius Zudaire Aramendía, annorum XLVI.

42. Fr. Victor Conradus, in saeculo Iosephus Ambrós Dejuán, annorum XXXVIII.

43. Fr. Victorinus Iosephus, in saeculo Iosephus Blanch Roca, annorum XXVIII.

44. Fr. Vitus Iosephus, in saeculo Iosephus Michaël Eloia Amiti, annorum XLIII.

45. Fr. Viventius, in saeculo Ioannes Nùñez Casado, annorum XXVIII.

46. Fr. Vulframus, in saeculo Raimundus Mili Arán, annorum XXVII.

Perdurante apud populum Dei fama martyrii horum Venerabilium Servorum Dei, anno MCMLXIX incohatus est ab Archiepiscopo Barcinonensi processus beatificationis. Die XXVIII mensis Ianuarii anno MMV Congressus Peculiaris Theologorum, ac deinde die XX mensis Iunii anno MMVI Patres Cardinales et Episcopi in Sessione Ordinaria congregati agnoverunt hos Venerabiles Servos Dei interfectos esse in odium fidei catholicae. Nos Ipsi die XVI mensis Decembris anno MMVI decrevimus ut Congregatio de Causis Sanctorum promulgaret Decretum de martyrio. Proinde statuimus sollemnem ritum Beatificationis die XXVIII mensis Octobris anno MMVII celebratum iri.

Hodie igitur Romae, in Foro ante Basilicam Sancti Petri, ingenti assistente coetu catholicorum ex Hispania Pastorum et Christifidelium, de mandato Nostro Iosephus S.R.E. Cardinalis Saraiva Martins, Congregationis de Causis Sanctorum Praefectus, textum Litterarum Apostolicarum legit, quibus Nos in Beatorum numerum adscribimus Venerabiles Servos Dei Laurentinum Alonso Fuente, Vergilium Lacunza Unzu et quadraginta quattuor Socios ex Instituto Fratrum Maristarum a Scholis.

Nos, vota Fratrum Nostrorum Aloisii Martínez Sistach, Archiepiscopi Barcinonensis, Francisci Gil Hellín, Archiepiscopi Burgensis, Antonii S.R.E. Cardinalis Cañizares Llovera, Archiepiscopi Toletani, Iosephi Mariae Yanguas Sanz, Episcopi Conchensis, Antonii Angeli Algora Hernando, Episcopi Civitatis Regalensis, Iacobi García Aracil, Archiepiscopi Emeritensis Augustani-Pacensis, Antonii Mariae S.R.E. Cardinalis Rouco Varela, Archiepiscopi Matritensis, Caroli Osoro Sierra, Archiepiscopi Ovetensis, Caroli S.R.E. Cardinalis Amigo Vallejo, O.F.M., Archiepiscopi Hispalensis, Raimundi del Hoyo López, Episcopi Giennensis, Vincentii Jiménez Zamora, Episcopi Santanderiensis, Ioannis Antonii ReigPla, Episcopi Carthaginensis in Hispania, Caroli Soler Perdigó, Episcopi Gerundensis, Antonii Dorado Soto, Episcopi Malacitani, atque Cyriaci Benavente Mateos, Episcopi Albasitensis, necnon plurimorum aliorum Fratrum in Episcopatu multorumque christifidelium explentes, de Congregationis de Causis Sanctorum consulto, auctoritate Nostra Apostolica facultatem facimus ut Venerabiles Servi Dei: Lucas a Sancto Ioseph Tristany Pujol, presbyter professus Ordinis Fratrum Discalceatorum Beatae Mariae Virginis de Monte Carmelo; Leonardus Iosephus Aragonés Mateu, religiosus professus Instituti Fratrum Scholarum Christianarum, Apollonia Lizarraga a Sanctissimo Sacramento, religiosa professa et moderatrix generalis Congregationis Carmelitanarum a Caritate, necnon LXI Socii et Sociae;

Bernardus Fábrega Juliá, religiosus professus Instituti Fratrum Maristarum a Scholis;

Victor Chumillas Fernández, presbyter professus Ordinis Fratrum Minorum, et XXI Socii eiusdem Ordinis;

Antherus Mateo García, paterfamilias, ex Tertio Ordine Sancti Dominici, et XI Socii ex Secundo et Tertio Ordine Sancti Dominici;

Crux Laplana y Laguna, Episcopus Conchensis, et Ferdinandus Español Berdié, presbyter;

Narcissus de Esténaga Echevarría, Episcopus Cluniensis, et X Socii;

Liberius González Nombela, presbyter, et XII Socii ex clero archidioecesis Toletanae;

Eusebius a Iesu Infante Fernández Arenillas, presbyter professus Ordinis Fratrum Discalceatorum Beatae Mariae Virginis de Monte Carmelo, et XV Socii eiusdem Ordinis;

Felix Echevarría Gorostiaga, presbyter professus Ordinis Fratrum Minorum, et VI Socii eiusdem Ordinis;

Theodosius Raphaël, religiosus professus Instituti Fratrum Scholarum Christianarum, et III Socii ex eodem Instituto;

Bonaventura García Paredes, presbyter professus Ordinis Fratrum Praedicatorum, Michaël Léibar Garay, presbyter professus Societatis Mariae, et XL Socii;

Simon Reynés Solivellas et V Socii, professi ex Congregatione Missionariorum a Ss. Cordibus Iesu et Mariae necnon ex Congregatione Sororum Franciscalium Filiarum Misericordiae, et Prudentia Canyelles i Ginestá, laica;

Caelestinus Iosephus Alonso Villar et IX Socii, ex Ordine Fratrum Praedicatorum;

Angelus Maria Prat Hostench et XVI Socii, ex Ordine Fratrum Beatae Mariae Virginis de Monte Carmelo;

Henricus Sáiz Aparicio et LXII Socii, ex Societate Sancti Francisci Salesii;

Marianus a Sancto Ioseph Altolaguirre y Altolaguirre et IX Socii, ex Ordine Sanctissimae Trinitatis;

Euphrasius a Iesu Infante Barredo Fernández, presbyter professus Ordinis Fratrum Discalceatorum Beatae Mariae Virginis de Monte Carmelo;

Laurentinus Alonso Fuente, Vergilius Lacunza Unzu et XLIV Socii ex Instituto Fratrum Maristarum a Scholis;

Henricus Izquierdo Palacios, presbyter, et XIII Socii, ex Ordine Fratrum Praedicatorum;

Ovidius Bertrandus Anuncibay Letona, Hermenegildus Laurentius Sáez

Manzanares, Lucianus Paulus García García, Stanislaus Victor Cordero Fernández et Laurentius Iacobus Martínez de la Pera y Alava, religiosi professi

Instituti Fratrum Scholarum Christianarum, atque Iosephus Maria Canovas Martínez, presbyter dioecesanus;

Maria a Monte Carmelo, Rosa et Magdalena Fradera Ferragutcasas, sorores professae Congregationis Filiarum Sanctissimi et Immaculati Cordis Mariae;

Avellinus Rodríguez Alonso, presbyter professus ex Ordine Fratrum Sancti Augustini, et XCVII Socii eiusdem Ordinis, necnon VI Socii ex clero dioecesano;

Emmanuela a Corde Iesu Arriola Uranga et XXII Sociae, ex Congregatone Ancillarum Adoratricum Sanctissimi Sacramenti et Caritatis;

qui in Hispania vicesimo saeculo sanguinem suum effuderunt testimonium perhibentes de Evangelio Iesu Christi, Beati nomine in posterum appellentur eorumque festum die sexta Novembris in locis et modis iure statutis quotannis celebrari possit. In nomine Patris et Filii et Spiritus Sancti.

Quod autem decrevimus, volumus et nunc et in posterum tempus vim habere, contrariis rebus quibuslibet non obsistentibus.

Datum Romae, apud Sanctum Petrum, sub anulo Piscatoris, die XXVIII mensis Octobris, anno MMVII, Pontificatus Nostri tertio.

De mandato Summi Pontificis

THARCISIUS card. BERTONE
Secretarius Status