Venerabilibus Servis Dei Bonaventurae García Paredes, presbytero professo ex Ordine Fratrum Praedicatorum, Michaëli Léibar Garay,
presbytero professo Societatis Mariae, et XL Sociis
Beatorum martyrum honores decernuntur*

Ad perpetuam rei memoriam. — « Mihi enim vivere Christus est et mori lucrum » (Philp 1, 21).

Venerabiles Servi Dei Bonaventura García Paredes, Michaël Léibar Garay et XL Socii aestimaverunt lucrum et gloriam morti occurrere propter Christi amorem. Cum enim annis MCMXXXVI-MCMXXXIX in Hispania grassaretur bellum civile, ipsi persecutionem subierunt catholicae fidei causa atque interfici maluerunt, nedum fidelitatis unitatisque nexum negarent cum Domino et cum sancta catholica Ecclesia. Obierunt diversis in locis archidioecesis Matritensis variisque in condicionibus; communis omnium eorum fuit oblatio magnanimis propriae vitae pro Christo. Horum XXXVIII pertinebant ad Ordinem Fratrum Praedicatorum (ex quibus XXI ad provinciam Philippinarum, XIII ad provinciam Hispanicam et IV ad provinciam Baeticam), IV autem ad Societatem Mariae.

Ipsi sunt:

A) Sodales Ordinis Fratrum Praedicatorum:

1. Bonaventura García Paredes, Magister Ordinis, presbyter. Natus est die XIX mensis Aprilis anno MDCCCLXVI in Asturiae loco vulgo dicto Castañedo de Valdés. Professionem religiosam nuncupavit anno MDCCCLXXXIV et presbyter est ordinatus anno MDCCCXCI. Docuit apud Pontificiam Studiorum Universitatem Sancti Thomae in urbe Manilensi, moderator exstitit in variis conventibus ac denique constitutus est Magister Ordinis. Optimis eminuit dotibus scriptoris et praedicatoris. Bello civili exardescente, coactus est diversa in loca confugere. Die XI mensis Augusti anno MCMXXXVI arreptus a militibus subversionis, insequenti die martyrium pertulit.

2. Innocentius García Díez, presbyter, pertulit martyrium die XIII mensis Augusti.

3. Iosephus Santonja Pinsach, presbyter, pertulit martyrium die XV mensis Augusti.

4. Petrus Ibáñez Alonso, presbyter, pertulit martyrium die XXVII mensis Augusti.

5. Iosephus Maria López Carrillo, presbyter, pertulit martyrium die XXVII mensis Augusti.

6. Leontius Arce Urrutia, presbyter, pertulit martyrium die XIV mensis Septembris.

7. Emmanuel Álvarez Álvarez, presbyter, pertulit martyrium die XIV mensis Septembris.

8. Theophilus Montes Calvo, religiosus, pertulit martyrium die XIV mensis Septembris.

9. Cyprianus Alguacil Torredenaida, religiosus, pertulit martyrium die XV mensis Octobris.

10. Iesus Villaverde Andrés, presbyter, pertulit martyrium die XVI mensis Octobris.

11. Amatus Cubeñas Diego-Madrazo, presbyter, pertulit martyrium die XXX mensis Novembris.

12. Ioannes Herrero Arroyo, religiosus, pertulit martyrium die XXVIII mensis Novembris.

13. Iosephus Aloisius Palacio Muñiz, presbyter, pertulit martyrium die XXV mensis Iulii.

14. Antonius Varona Ortega, presbyter, pertulit martyrium die XXV mensis Iulii.

15. Hyginus Roldán Iriberri, religiosus, pertulit martyrium die XXV mensis Iulii.

16. Ioannes Crespo Calleja, religiosus, pertulit martyrium die XXV mensis Iulii.

17. Emmanuel Moreno Martínez, presbyter, pertulit martyrium die V mensis Augusti.

18. Victor García Ceballos, presbyter, pertulit martyrium die V mensis Augusti.

19. Eduardus González Santo Domingo, religiosus, pertulit martyrium die V mensis Augusti.

20. Maximinus Fernández Marinas, presbyter, pertulit martyrium die XV mensis Augusti.

21. Nicasius Romo Rubio, religiosus, pertulit martyrium die XXX mensis Augusti.

22. Ludovicus Furones Arenas, presbyter, pertulit martyrium die XX mensis Iulii.

23. Hyacinthus García Riesco, religiosus, pertulit martyrium die XX mensis Iulii.

24. Iosephus López Tascón, presbyter, pertulit martyrium die XXV mensis Iulii.

25. Isabellinus Carmona Fernández, presbyter, pertulit martyrium die VII mensis Novembris.

26. Felix Alonso Muñiz, presbyter, pertulit martyrium die XXIV mensis Novembris.

27. Vincentius Álvarez Cienfuegos, presbyter, pertulit martyrium die XXV mensis Augusti.

28. Alfredus Fanjul Acebal, presbyter, pertulit martyrium die VII mensis Novembris.

29. Ioannes Mendibelzùa Ocerín, presbyter, pertulit martyrium die VII mensis Novembris.

30. Vincentius Rodríguez Fernández, presbyter, pertulit martyrium die VII mensis Novembris.

31. Vincentius Peña Ruiz, presbyter, pertulit martyrium die XXX mensis Novembris.

32. Reginaldus Hernández Ramírez, presbyter, pertulit martyrium die XIII mensis Augusti.

33. Iosephus Gafo Muñiz, presbyter, pertulit martyrium die IV mensis Octobris.

34. Vitalis Luis Gómara, presbyter, pertulit martyrium die XVIII mensis Novembris.

35. Iosephus Prieto Fuentes, religiosus, pertulit martyrium die XXVIII mensis Novembris.

36. Franciscus Fernández Escosura, religiosus, pertulit martyrium die III mensis Decembris.

37. Emmanuel Santiago Santiago, religiosus, pertulit martyrium die III mensis Decembris.

38. Iosephus Delgado Pérez, novitius, pertulit martyrium die VII mensis Novembris.

B) Sodales Societatis Mariae:

39. Michaël Léibar Garay, presbyter, pertulit martyrium die XXVIII mensis Iulii.

40. Florentius Arnáiz Cejudo, religiosus, pertulit martyrium die XIII mensis Septembris.

41. Sabinus Ayastuy Errasti, religiosus, pertulit martyrium die XIII mensis Septembris.

42. Ioachimus Ochoa Salazar, religiosus, pertulit martyrium die XIII mensis Septembris.

Populus Dei statim universos hos Dei Servos veros fıdei consideravit martyres. Huiusmodi fama augescens in annos permovit Archiepiscopum Matritensem ut Causam inchoaret beatificationis seu declarationis martyrii, per Processus Ordinarios annis MCMLXI-MCMLXVI celebratos. Inde Congressus Peculiaris Consultorum Theologorum die XXV mensis Maii anno MMIV, et Patres Cardinales et Episcopi, in Sessione Ordinaria congregati die XVII mensis Ianuarii anno MMVI, agnoverunt horum Venerabilium Servorum Dei verum martyrium. Nos Ipsi die XXVI mensis Iunii anno MMVI concessimus promulgationem Decreti de martyrio, ac proinde statuimus sollemnem ritum eorum beatificationis die XXVIII mensis Octobris anni MMVII celebratum iri.

Hodie igitur Romae, in Foro ante Basilicam Sancti Petri, ingenti adstante turba ex Hispania aliisve nationibus catholicorum Pastorum et Christifı`delium, de mandato Nostro Iosephus S.R.E. Cardinalis Saraiva Martins, Congregationis de Causis Sanctorum Praefectus, textum Litterarum Apostolicarum legit, quibus Nos in Beatorum numerum adscribimus Venerabiles Servos Dei Bonaventuram García Paredes, presbyterum professum ex Ordine Fratrum Praedicatorum, Michaëlem Léibar Garay, presbyterum professum Societatis Mariae, et XL Socios.

Nos, vota Fratrum Nostrorum Aloisii Martínez Sistach, Archiepiscopi Barcinonensis, Francisci Gil Hellín, Archiepiscopi Burgensis, Antonii S.R.E. Cardinalis Cañizares Llovera, Archiepiscopi Toletani, Iosephi Mariae Yanguas Sanz, Episcopi Conchensis, Antonii Angeli Algora Hernando, Episcopi Civitatis Regalensis, Iacobi García Aracil, Archiepiscopi Emeritensis Augustani-Pacensis, Antonii Mariae S.R.E. Cardinalis Rouco Varela, Archiepiscopi Matritensis, Caroli Osoro Sierra, Archiepiscopi Ovetensis, Caroli S.R.E. Cardinalis Amigo Vallejo, O.F.M., Archiepiscopi Hispalensís, Raimundi del Hoyo López, Episcopi Giennensis, Vincentii Jiménez Zamora, Episcopi Santanderiensis, Ioannis Antonii ReigPla, Episcopi Carthaginensis in Hispania, Caroli Soler Perdigó, Episcopi Gerundensis, Antonii Dorado Soto, Episcopi Malacitani, atque Cyriaci Benavente Mateos, Episcopi Albasitensis, necnon plurimorum aliorum Fratrum in Episcopatu multorumque christifidelium explentes, de Congregationis de Causis Sanctorum, consulto, auctoritate Nostra Apostolica facultatem facimus ut Venerabiles Servi Dei:

Lucas a Sancto Ioseph Tristany Pujol, presbyter professus Ordinis Fratrum Discalceatorum Beatae Mariae Virginis de Monte Carmelo;

Leonardus Iosephus Aragonés Mateu, religiosus professus Instituti Fratrum Scholarum Christianarum, Apollonia Lizarraga a Sanctissimo Sacramento, religiosa professa et moderatrix generalis Congregationis Carmelitanarum a Caritate, necnon LXI Socii et Sociae;

Bernardus Fábrega Juliá, religiosus professus Instituti Fratrum Maristarum a Scholis;

Victor Chumillas Fernández, presbyter professus Ordinis Fratrum Minorum, et XXI Socii eiusdem Ordinis;

Antherus Mateo García, paterfamilias, ex Tertio Ordine Sancti Dominici, et XI Socii ex Secundo et Tertio Ordine Sancti Dominici;

Crux Laplana y Laguna, Episcopus Conchensis, et Ferdinandus Español Berdié, presbyter;

Narcissus de Esténaga Echevarría, Episcopus Cluniensis, et X Socii;

Liberius González Nombela, presbyter, et XII Socii ex clero archidioecesis Toletanae;

Eusebius a Iesu Infante Fernández Arenillas, presbyter professus Ordinis Fratrum Discalceatorum Beatae Mariae Virginis de Monte Carmelo, et XV Socii eiusdem Ordinis;

Felix Echevarría Gorostiaga, presbyter professus Ordinis Fratrum Minorum, et VI Socii eiusdem Ordinis;

Theodosius Raphaël, religiosus professus Instituti Fratrum Scholarum Christianarum, et III Socii ex eodem Instituto;

Bonaventura García Paredes, presbyter professus Ordinis Fratrum Praedicatorum, Michaël Léibar Garay, presbyter professus Societatis Mariae, et XL Socii;

Simon Reynés Solivellas et V Socii, professi ex Congregatione Missionariorum a Ss. Cordibus Iesu et Mariae necnon ex Congregatione Sororum Franciscalium Filiarum Misericordiae, et Prudentia Canyelles i Ginestá, laica;

Caelestinus Iosephus Alonso Villar et IX Socii, ex Ordine Fratrum Praedicatorum;

Angelus Maria Prat Hostench et XVI Socii, ex Ordine Fratrum Beatae Mariae Virginis de Monte Carmelo;

Henricus Sáiz Aparicio et LXII Socii, ex Societate Sancti Francisci Salesii;

Marianus a Sancto Ioseph Altolaguirre y Altolaguirre et IX Socii, ex Ordine Sanctissimae Trinitatis;

Euphrasius a Iesu Infante Barredo Fernández, presbyter professus Ordinis Fratrum Discalceatorum Beatae Mariae Virginis de Monte Carmelo;

Laurentinus Alonso Fuente, Vergilius Lacunza Unzu et XLIV Socii ex Instituto Fratrum Maristarum a Scholis;

Henricus Izquierdo Palacios, presbyter, et XIII Socii, ex Ordine Fratrum Praedicatorum;

Ovidius Bertrandus Anuncibay Letona, Hermenegildus Laurentius Sáez Manzanares, Lucianus Paulus García García, Stanislaus Victor Cordero Fernández et Laurentius Iacobus Martínez de la Pera y Alava, religiosi professi Instituti Fratrum Scholarum Christianarum, atque Iosephus Maria Cánovas Martínez, presbyter dioecesanus;

Maria a Monte Carmelo, Rosa et Magdalena Fradera Ferragutcasas, sorores professae Congregationis Filiarum Sanctissimi et Immaculati Cordis Mariae;

Avellinus Rodríguez Alonso, presbyter professus ex Ordine Fratrum Sancti Augustini, et XCVII Socii eiusdem Ordinis, necnon VI Socii ex clero dioecesano;

Emmanuela a Corde Iesu Arriola Uranga et XXII Sociae, ex Congregatione Ancillarum Adoratricum Sanctissimi Sacramenti et Caritatis;

qui in Hispania vicesimo saeculo sanguinem suum effuderunt testimonium perhibentes de Evangelio Iesu Christi, Beati nomine in posterum appellentur, eorumque festum die sexta Novembris in locis et modis iure statutis quotannis celebrari possit. In nomine Patris et Filii et Spiritus Sancti.

Quod autem decrevimus, volumus et nunc et in posterum tempus vim habere, contrariis rebus quibuslibet non obstantibus.

Datum Romae, apud Sanctum Petrum, sub anulo Piscatoris, die XXVIII mensis Octobris, anno MMVII, Pontificatus Nostri tertio.

De mandato Summi Pontificis

THARCISIUS card. BERTONE
Secretarius Status