|
|
|
|
|
HALMASHAURI YA KIPAPA Wakristo na Waislam: UJUMBE KWA AJILI YA MWISHO WA RAMADHAN ÂId al-Fitr 1430 H. / 2009 A.D.
Wapendwa Marafiki Waislam, 1. Kwa nafasi ya sikukuu yenu inayohitimisha mwezi wa Ramadhan, ningependa kuwafikishia matashi yangu mema kabisa ya amani na furaha, na pia, kwa njia ya Ujumbe huu napendekeza mada hii kwa ajili ya tafakari yetu: Wakristo na Waislam: kwa pamoja katika kuutokomeza umasikini. 2. Ujumbe huu wa Halmashauri ya Kipapa kwa ajili ya Mazungumzano na Dini Mbalimbali umekuwa ni mapokeo yanayohifadhiwa kwa upendo mkubwa na sisi sote, ambao unangojewa kila mwaka na kwa hakika hiki ni chanzo cha furaha. Kwa miaka sasa, imekuwa ni fursa ya kukutana kwa moyo wa mapendo katika nchi nyingi baina ya Wakristo na Waislam. Mara nyingi unashughulikia jambo linalotuhangaisha sisi sote. Jambo ambalo linatusukuma kubadilishana mawazo kwa imani na uwazi. Hayo yote yanayoonjwa kama alama za urafiki baina yetu, kwa nini tusimshukuru Mungu?. 3. Tukija kwenye mada ya mwaka huu, mwanadamu katika hali ya ufukara kwa hakika ni jambo lililo katikati ya kiini cha amri ambazo, katika imani mbalimbali, wote tunakipenda. Uangalifu, huruma na msaada ambao sisi sote, kaka na dada katika ubinadamu, tunaweza kumwezesha mtu aliye masikini kupata nafasi yake katika jamii ya watu, ni ushahidi hai wa Mapendo ya Mwenyezi, kwa sababu ni mtu kama huyo ambaye Yeye anatutaka tumpende na kumsaidia, bila ubaguzi wa jinsia. Wote tunajua kwamba umasikini una nguvu ya kunyanyasa na kusababisha mateso yasiyovumilika, mara nyingi ni chanzo cha upweke, hasira, hata chuki na shauku ya kulipa kisasi. Unaweza kuchochea vitendo vya uhasama kwa kutumia njia zozote zile zinazopatikana, hata kutafuta kuzihalalisha kwa misingi ya kidini, au kutwaa mali ya mtu mwingine, pamoja na amani yake na usalama, kwa jina la kile kinachodaiwa kuwa ni Âhaki ya MunguÂ. Hii ndiyo sababu kukabiliana na suala la misimamo isiyo na ukadiri na vurugu inahusu kukabiliana na umasikini kwa njia ya kusukuma maendeleo kamili ya mwanadamu, yale ambayo Papa Paulo VI aliyaainishia kama  jina jipya kwa ajili ya amani (Encyclical Letter Populorum Progessio , 1975, n. 76). Katika Waraka wake wa Kiinsiklika wa hivi karibuni Caritas in veritate juu ya maendeleo kamili ya mwanadamu katika upendo na ukweli, Papa Benedikto XVI, akizingatia muktadha wa sasa wa juhudi za kukuza maendeleo, anatilia mkazo hitaji la Âusanisi mpya wa ubinadamu (n. 21) ambao unalinda uwazi wa mtu kwa Mungu, unaompa mtu mahali pake duniani kama Âkiini na kilele (n. 57) . Maendeleo ya kweli, basi, hayana budi kupangiliwa hivi kwa ajili ya  mtu mzima na kwa kila binadamu (Populorum Progressio, n. 42). 4. Katika mazungumzo yake katika nafasi ya Siku ya Kiulimwengu ya Amani tarehe 1 Januari 2009, Baba Mtakatifu Benedikto XVI alitofautisha aina mbili za umasikini: umaskini unaotakiwa kupigwa vita na umasikini unaotakiwa kuukumbatiwa. Umaskini unaotakiwa kupigwa vita uko mbele ya macho ya kila mtu: njaa, kukosa maji safi na salama, uhaba wa matibabu, ukosefu wa makazi, kutotosheleza kwa miundo mbinu ya elimu na tamaduni, kutojua kusoma na kuandika, bila kutaja pia miundo mipya ya umasikini Âkatika jamii zilizoendelea sana kwa utajiri, kuna ushahidi wa umasikini wa kuwekwa pembezoni, wa kupendelewa, kimaadili, na kiroho (Message for the World Day of Peace, 2009, n. 2). Umasikini wa kukumbatiwa ni mtindo ule wa maisha ambayo ni ya kawaida na muhimu, kuzuia ubadhirifu na kujali mazingira na uzuri wa viumbe. Umasikini huu unaweza pia kuwa, walau katika vipindi fulani vya mwaka, ule wa kudunduliza na kufunga. Ni umasikini tunaouchagua unaotuwezesha kwenda nje yetu wenyewe, tukipanua moyo wetu. 5. Kama waumini, hamu ya kufanya kazi pamoja kwa ajili ya jawabu la haki na la kudumu la balaa la umasikini hakika inajumuisha kutafakari juu ya matatizo mazito ya zama zetu, na inapowezekana, kushirikishana msimamo wa pamoja wa kuyatokomeza. Kwa hali hiyo, rejea za hali zile za umasikini zinazohusiana na masuala ya utandawazi wa jamii zetu zina maana za kiroho na kimaadili, kwa sababu wote wanaposhiriki wito wa kujenga familia ya mwanadamu  mtu mmoja moja , makabila, na mataifa  wanajiweka kufuatana na misingi ya udugu na madaraka. 6. Mafunzo makini ya hali ngumu ya umasikini yanatupeleka moja kwa moja hasa kwenye vianzo na ukosefu wa heshima ya hadhi ya kuzaliwa nayo ya mwanadamu na kututaka mshikamano wa jumla, kwa mfano kwa njia ya kuchukua Âkanuni ya jumla ya kimaadili: (Yohane Paulo II, Address to ThePontifical Academy of Sociail Sciences, 27 April 2001, n.4) ambazo taratibu zake zisingekuwa tu na hali ya mapatano, bali pia kwa vyovyote zingesimikwa katika sheria ya maumbile iliyoandikwa na Muumba katika dhamiri ya kila mwanadamu (rej. Rum 2, 14-15). 7. Inaonekana kwamba katika nafasi mbalimbali za ulimwengu tumevuka kutoka kuvumiliana hadi kukutana pamoja, kuanzia mangÂamuzi ya jumla tunayoishi na mahangaiko tuliyoshirikiana. Hii ni hatua muhimu kwa kuendelea mbele. Katika kumpa kila mmoja utajiri wa maisha unaotokana na sala, kufunga na mapendo ya mmoja kwa mwingine, je, isingewezekana kufanya mazungumzano kuchota nguvu hai za wale wanaosafiri kumwendea Mungu? Masikini wanatuuliza, wanatupa changamoto, lakini juu ya yote wanatutaka kushirikiana katika daawa ya heshima: kuutokomeza umaskini! Heri ya ÂId al-Fitr!
Jean-Louis Kardinali TauranRais Askofu Mkuu Pier Luigi Celata
Pontifical Council for Interreligious Dialogue
|
 |