Kyrgyzstaniae, die XVIII mensis Martii, anno Domini MMVI - Constitutio Apostolica, Benedictus XVI

BENEDICTUS EPISCOPUS
SERVUS SERVORUM DEI
AD PERPETUAM REI MEMORIAM

CONSTITUTIO APOSTOLICA

KYRGYZSTANIAE*

Missio sui iuris in Republica Kyrgyzstaniae
ad gradum Administrationis Apostolicae evehitur.

In Kyrgyzstania spiritali fidelium commoditati consulere volumus, ad quorum salubriorem prosperitatem ecclesiastica instituta aptare festinamus, unde pusillus hic Domini grex affatim adolescat ipseque inter gentes Salvatoris bonum nuntium beneficiaque demonstret. Itaque, Apostolicae Nostrae potestatis suffulti Nos plenitudine, Missionem sui iuris in Republica Kyrgyzstaniae, Evangeli verbis praeceptisque inibi diffundentis destinatam, ad gradum dignitatemque Administrationis Apostolicae evehimus atque attollimus. Quod omne ad exsolvendum Venerabilem Fratrem Iosephum Wesołowski, Archiepiscopum titulo Slebtensem seu Sancti Fiaci inter montes atque in Kyrgyzstania Apostolicum Nuntium, constituimus, facta videlicet facultate quempiam virum ecclesiastica dignitate praeditum subdelegandi.

Re tandem ad exitum perducta, documenta conficiantur, quorum sincera exempla ad Congregationem pro Gentium Evangelizatione mittantur, contrariis rebus minime officientibus quibuslibet.

Datum Romae, apud Sanctum Petrum die duodevicesimo mensis Martii, anno Domini bis millesimo sexto, Pontificatus Nostri primo.

ANGELUS card. SODANO
Secretarius Status

CRESCENTIUS card. SEPE
Congr. pro Gentium Evang. Praef.

Marcellus Rossetti, Protonot. Apost.
Franciscus Bruno, Protonot. Apost.

*A.A.S., vol. XCVIII (2006), n. 4, pp. 308-309