|
[DE
-
IT
-
LA
-
PT]
DICASTERIUM PRO DOCTRINA FIDEI
DECRETUM
DE CONSOCIATIONE «OPUS ANGELORUM»
Litteris diei 4 mensis Maii 2024 Praefecto huius Dicasterii missis, Rev. P.
Nathanael Thanner, O.R.C., Prior generalis Ordinis Canonicorum Regularium
Sanctae Crucis, de adclaratis relationibus inter eundem Ordinem, Societatem
Sororum a Sancta Cruce et Opus Angelorum, necnon de concursu Delegati pontifici
in his, disseruit et petitionem, quoad Normas complementarias
Decreti de doctrina et usibus particularibus Consociationis cui nomen «Opus
Angelorum», Congregationis pro Doctrina Fidei, diei 6 mensis Iunii 1992[1], sub n. V, protulit.
Examen recentiorum documentorum causae non confirmavit praevium iudicium, quod
praecedentibus decisionibus suberat, sed, etiam secundum Epistulam circularem
respicientem Opus Angelorum ad praesides Conferentiarum episcopalium
missam, eiusdem Congregationis, diei 2 octobris 2010[2], constare videtur:
- rationes nempe doctrinales necnon
disciplinarias, de quibus in supradicto Decreto, iamdiu extinctas esse.
Unde Dicasterium pro Doctrina Fidei censet:
- supradictum
Decretum de doctrina et usibus particularibus Consociationis cui nomen «Opus Angelorum», anni 1992, una cum Normis complementariis,
inclusive n. V, videlicet de constitutione Delegati specialibus muniti
facultatibus, usque adhuc nominatus a Sancta Sede ad applicandas normas illas
necnon ad declarandas et ordinandas relationes inter Opus Angelorum et
Ordinem Canonicorum Regularium Sanctae Crucis, abrogandum esse.
Decretum hoc, in Congressu ordinario huius Dicasterii debite deliberatum, Summus
Pontifex Franciscus, in audientia infrascripto Cardinali Praefecto concessa,
approbavit et publici iuris fieri iussit.
Romae, ex aedibus Dicasterii pro Doctrina Fidei, die 5 Iulii 2024.
Victor Emmanuel Card. Fernández,
Praefectus
Armandus Matteo
a Secretis
|
