Decisiones in ambitu iudiciali

Restitutio in integrum non conceditur. Legitimatio activa nepti, eidemque heredi actoris, agnoscitur ad causam nullitatis matrimonii prosequendam post mortem avunculi.

Adversus decretum rotale ob neglectum legis praescriptum admittitur restitutio in integrum, quae permittit agere de nullitate matrimonii quando nullitas, utroque coniuge vivente non accusata, oritur incidenter in alia principali causa pertractanda.

Adversus decretum, quo reicitur recursus adversus ratihabitionem sententiae primi gradus nullitatem matrimonii affirmantis, appellatio proponi nequit.

Infirmatur sententia tribunalis inferioris, nullitatem matrimonii declarantis e capite impotentiae sic dictae "moralis", ob defectum nempe communionis vitae amorisque coniugalis. 

Nullitas matrimonii inter baptizatum in Ecclesia Armena non catholica et baptizatam in communitate ecclesiali methodista unita coram ministro huius novissimae communitatis ecclesialis contracti declaratur ob defectum formae seu ritus sacri

Recursus admittitur ad disceptationem Patrum Cardinalum; nam adversus decretum, quo reicitur recursus adversus ratihabitionem sententiae primi gradus nullitatem matrimonii edicentis, appellatio proponi nequit.

Querela nullitatis adversus decretum Exc.mi Decani S.R. Rotae non admittitur: non agitur de sententia rotali; adest incompetentia ratione obiecti, personarum et gradus.

Decisio circa recursum contra decretum Congressus. Querela nullitatis adversus decretum S.R. Rotae ob defectum legimitationis partis conventae et motivorum decidendi. Signatura Apostolica non videt de appellationibus formalibus a decretis rotalibus.

Non constat de nullitate, ob impedimentum dirimens mixtae religionis, vi can. 72 par. 1 Concilii Trullani, matrimonii inter baptizatum in Ecclesia Methodista et baptizatam in Ecclesia Orthodoxa

Matrimonium inter partes graeco-orthodoxam et anglicanam coram ministro anglicano initum declarari potest nullum ob defectum ritus sacri si partes sacerdotem orthodoxum in loco commode adire poterant.

De mandato procuratorio non a curatore sed a parte conventa dato deque querela nullitatis sententiae, etiam a Tribunali Regionali latae, inde derivantis. Sententia rotalis exsecutiva non est suspendenda quoad effectus civiles. Ad Rotam Romanam spectat de nova causae propositione videre

Non est sub poena nullitatis quod una eademque persona, in eadem causa eademque instantia, successive muneribus promotoris iustitiae et iudicis fungitur.

Causa, post duplicem conformem negativam, in merito iudicanda a Summo Pontifice Signaturae Apostolicae commissa est. Nullitas matrimonii declaratur ex capite metus utrique nupturienti incussi.

Querela nullitatis reicitur: non constat de illegitima constitutione curatoris; nova causae propositio conceditur ob ius defensionis violatum; nam reiecta erat instantia pro gratuito patrocinio atque pro quibusdam testibus audiendis

Nova causae propositio conceditur. Cum Tribunal Rotae Romanae videre debeat de concedendo novo causae examine et, quatenus affirmative, de causae merito, procedere nequit ad modum unius, cum argumenta pro novo causae examine nequeant confundi cum argumentis pro causae merito. Novum causae examen conceditur etiam pro capite nuper bis negative dimisso a Tribunali Rotae Romanae

Decretum Congressus Signaturae Apostolicae confirmatur, seu recursus non sunt admittendi ad disceptationem. Pars quoque actrix novum causae examen post duplicem decisionem affirmativam petere potest; non requiritur contradictorium in concedendo vel denegando novo causae examine. Reicitur restitutionis in integrum petitio adversus decretum a Signatura in Congressu latum. Ius defensionis exercendum est legitime, id est tempore et modo a lege statutis

Decisio, qua Turnus rotalis Exc.mo Decano consilium praebet de causa advocanda, iudicialis habenda est, ex qua gravamen per sententiam definitivam irreparabile oriri potest;

Querela nullitatis proponi non potest adversus decretum, ex quo damnum oriturum non est per definitivam sententiam irreparabile vel quod vim sententiae definitivae non habet.

Querela nullitatis proponi non potest adversus decretum, ex quo damnum oriturum non est per definitivam sententiam irreparabile vel quod vim sententiae definitivae non habet.

Confusio in actis et in decisione inter argumentationem ad probandum dolum et argumentationem ad probandum errorem, de quo in can. 1097 §2, errori iuris assimilanda est.

Querela nullitatis ob ius defensionis denegatum reicitur quia procrastinatio exarationis sententiae secundi gradus non est motivum nullitatis relate ad sententiam tertii gradus.

Recursus reicitur; nam interventus de quo in can. 1452 § 2 discretioni iudicis subicitur, non confirmatio sententiae ex can. 1682 § 2, exstantibus animadversionibus opponentibus, non constituit ius defensionis violatum.